Në Lipjan të Kosovës po luhet faza finale e Ligës “Gjergj Kastrioti” në volejboll, turneu mbarëkombëtar mes ekipeve më të mira nga Shqipëria e Kosova. Në këtë qytet u luajtën ndeshjet gjysmëfinale në të dyja kategoritë.
Te femrat, zhgënjim për ekipet nga Shqipëria. Skënderbeu, ekipi i vetëm i Superligës shqiptare, u mund 3-1 (25-15, 25-23, 19-25, 25-23) nga Drita. Në finale, Drita do të përballet me Ferizaj, që në gjysmëfinalen tjetër mundi 3-2 Fer Volej.
Te meshkujt, në finale kanë dalë ekipet e Partizanit dhe Skënderbeut. Të “kuqtë” mundën 3-0 Ferizaj (25-23, 25-21, 25-17), ndërsa skuadra korçare fitoi po 3-0 ndaj Skënderbeut të Kosovës (25-15, 25-22, 25-22).
Gjysmëfinale-Meshkuj
Partizani – Ferizaj, 3-0
Skënderbeu Kos – Skënderbeu, 0-3
Finale-Meshkuj
Partizani – Skënderbeu
Gjysmëfinale-Femra
Fer Volley – Ferizaj, 2-3
Skënderbeu – Drita, 1-3
Finale-Femra
Drita – Ferizaj
