Presidenti ukrainas Volodymyr Zelensky dhe delegacioni i tij u larguan nga Shtëpia e Bardhë me urdhër të presidentit Trump.
Korespondentja kryesore e CNN për Shtëpinë e Bardhë, Kaitlan Collins, thotë se ishte vendimi i Trump për të përfunduar bisedimet pas shkëmbimeve në Zyrën Ovale.
Në një postim në rrjetet sociale, ajo tha: “Trump vendosi që Zelensky ‘nuk ishte në gjendje të negocionte’” dhe “urdhëroi Sekretarin Rubio dhe këshilltarin e tij për sigurinë kombëtare, Mike Waltz, të përcillnin mesazhin: ishte koha që Zelensky të largohej.”
Duke u bazuar në informacione të mëtejshme nga Shtëpia e Bardhë, ajo shtoi: “Ukrainasit donin të vazhdonin bisedimet. Por atyre iu tha jo.”
Ajo që thotë Collins përputhet edhe me informacionet që po marrim nga agjencitë e lajmeve.
