Zbardhen detaje të reja në lidhje me ngjarjen që ndodhi mbrëmjen e së martës në zonën e Freskut në Tiranë, ku një efektiv i Policisë Rrugore u përplas nga një makinë. Ai ka dëme të shumta dhe thyerje në trup si pasojë e përplasjes.
Në momentin e ngjarjes, dy efektivë të “Rrugores” ishin të planëzuar për hapjen e qarkullimit në zonë, pasi do të kalonte eskorta e kryeministrit Edi Rama.
Drejtuesi i makinës, Isniq Nokshiqi 36 vjeç, me origjinë nga Tropoja sipas policisë ka qenë i ndaluar, duke ofenduar dhe bërtitur.
Në momentin që njëri prej policëve ka qenë para makinës, Nokshiqi sipas policisë i ka dhënë gaz dhe e ka marrë para për disa metra, duke i rrezikuar seriozisht jetën.
Menjëherë pas ngjarjes Nokshiqi u arrestua.
