Kryeministri Edi Rama ka vijuar me akuzat ndaj SPAK. Ai tha se atje s’duhet të ketë hije metodash të Sigurimit të Shtetit dhe hije të metodave të Kremlinit
Rama: Po kostot financiare të gjithë kësaj? Se çfarë po paguajnë shqiptarët për këto përpjekje. Kur paguan prokurorë më shumë se presidenti dhe gjykatësit më shumë se deputetet, duhen kërkuar dhe standarde. Nuk kompleksohem çfarë thotë keneta. Ajo e sheh SPAK dhe GJKKO si armë për të luftuar PS. SPAK dhe GJKKO siç janë shpresë duhen bërë dhe krenari kombëtare. S’duhet të ketë hije metodash të Sigurimit të Shtetit dhe hije të metodave të Kremlinit. E them në kuptimin e metodave, jo se ka inflitrim. Vetëm kështu do shkohet atje ku duhet. Kështu ndërtohet ura e ndërveprimit dhe ndarja e pushteteve. Boll është hyrë në kufijte e pushtetit ekzekutiv. Mjaft janë terrorizuar punonjësit e administratës. Duhet luftuar korrupsioni. Njerëzit nuk janë kavje, çdokush meriton të respektohet deri në fund. Vetëm PS e garanton këtë. Ne jemi të vërtetë dhe drejtpërdrejt prej 5 vitesh si kemi shtrnguar dhëmbët, tami duam profesionalizëm dhe integritet të çdo procesi. Do ketë dhe dëgjesa tjera për këdo që dëshiron të dëgjohet përveç atyre në hetim.
