Një punonjës policie ka mbetur i lënduar si pasojë e një aksidenti të ndodhur mbrëmjen e sotme në Fresk, Tiranë.
Ngjarja është regjistruar rreth orës 17:40. Sipas njoftimit të policisë, një automjet me drejtues ende të paidentifikuar ka përplasur shtetasin A. L(punonjës policie jashtë shërbimit). Punonjësi i Policisë ndodhet në spital, nën kujdesin e mjekëve, jashtë rrezikut për jetën.
Është bërë identifikimi i automjetit dhe po punohet për gjetjen e tij dhe të drejtuesit.
Grupi hetimor punon për sqarimin e rrethanave të aksidentit.
