Gjenerata Z, njerëzit e lindur midis 1997 dhe 2012, konsumojnë shumë më pak alkool sesa Millennials, Generation X dhe Baby Boomers, sipas hulumtimit.
Çfarë e shkaktoi këtë ulje të konsumit të alkoolit? Të dhëna treguan se të rinjtë kanë perceptime shumë të ndryshme për alkoolin sesa gjeneratat e vjetra.
Brezi i ri i sensibilizuar
I ashtuquajturi Gen Z është përgjegjës për rritjen e lëvizjeve “esëll kureshtare” dhe “të pirit të ndërgjegjshëm” në Amerikë, të cilat argumentojnë se njerëzit duhet të jenë më të vetëdijshëm se sa, kur dhe pse pinë.
Gjenerata Z gjithashtu duket se është më e vetëdijshme për problemet shëndetësore që mund të zhvillohen për shkak të alkoolit.
Veçanërisht, gjetjet treguan se 1 në 3 të rinj që vendosin të mos pinë fare pije alkoolike raportuan se arsyeja kryesore është shëndeti më i mirë. Arsyet e tjera të njohura përfshijnë kursimin e parave, shqetësimin për t’u bërë i varur dhe besimi se pirja e më pak alkoolit nuk është “cool”.
“Një sondazh tregoi se 34% e njerëzve që i përkasin Gjeneratës Z po përpiqen të pinë më pak, ndërsa 45% thonë se nuk kanë pirë kurrë alkool në jetën e tyre”, thanë studiuesit.
Abstenimi nga alkooli mund të çojë në humor më të mirë, rritje të vetëvlerësimit, marrëdhënie më të forta ndërpersonale, përmirësim të funksionit kognitiv të trurit dhe shëndet më të mirë mendor në përgjithësi, sipas studimit.
Megjithatë, statistikat e reja kanë zbuluar se kjo gjeneratë raporton norma më të larta të përdorimit të substancave, siç është nikotina, krahasuar me gjeneratat e mëparshme.
Në fakt, normat e përdorimit të nikotinës janë trefishuar në mesin e adoleshentëve dhe të rinjve në vitet e fundit, sipas studiuesve.
