Një sherr i madh ka ndodhur pasditen e kësaj të mërkure në një kopësht shtetëror në qytetin e Sarandës.
Në sherr janë përfshirë drejtoresha e kopshtit nr. 3 Valbona Mehmeti dhe sanitarja e institucionit arsimor të fëmijëve, Etleva Meta. Ka qenë drejtoresha e cila sipas raportimeve i ka kërkuar llogari Etlevës për mospastrimin e kopshtit dhe thyerjen e orareve.
Mirë po kjo kërkesë llogarie duket se nuk është pritur mirë nga sanitarja, e cila në gjaknxehtësi e sipër, pas zënkave me fjalë ka rahur me sende të forta drejtoreshë Valbonën.
Më pas ka ndërhyrë policia, dhe deri më tani sanitarja Etleva Meta është shoqëruar nën akuzën e ‘Goditjes për shkak të detyrës’. Hetimet e metejshme pritet të zbardhin më shumë detaje lidhur me këtë konflikt.
