Një tërheqje e SHBA-së nga Kosova mund të rrisë paqëndrueshmërinë në rajon dhe të krijojë një vakuum sigurie në Evropë që mund të mbushej nga Rusia.
Kështu shkruan media turke Turkie Today, në lidhje me një nga çështjet më të diskutuara të ditëve të fundit, e që është tërheqja e trupave amerikane nga Europa.
Sipas medias turke, përfshirja e SHBA ështe jetike jo vetëm për stabilietin e Kosovës, por edhe të Ballkanit Perëndimor, e nëse diçka e tillë ndodh, ndikimi i Moskës në rajon ka gjasë të zgjerohet.
‘‘Nëse SHBA-të tërhiqen nga KFOR-i dhe forcat e tjera të NATO-s në Evropë, kjo mund të dobësojë jo vetëm ekuilibrin e sigurisë në rajon, por edhe pozicionin strategjik të Perëndimit kundër Rusisë. Prania e NATO-s në rajon ka shërbyer si një pengesë për ndikimin rus. Një veprim i SHBA-së për të reduktuar praninë e saj mund të hapë derën për Rusinë që të marrë një rol më aktiv në rajon’’, thuhet në artikullin e medias turke.
Me tej, theksohet edhe se një tërheqje e SHBA nga KFOR-i mund të paraqesë ‘‘mundësi strategjike dhe politike për Serbinë”.
