Nuredin Dumani, i njohur si vrasësi me pagesë dhe i penduari i drejtësisë, ka dhënë dëshminë e tij në seancën gjyqësore për çështjen “Plumbi i Artë”. Gjatë një seance me dyer të hapura për mediat, Dumani ka treguar se në shtëpinë e dhëndrit të Agron Dukës është kryer një grabitje me vlerë mbi 500 mijë euro. Ai ka sqaruar se grabitësit, të cilët përdorën makinën e tij tip ML, i hoqën targat dhe pjesët që mund të identifikonin mjetin si të tij.
Dumani ka folur gjithashtu për një përplasje me partnerin e tij në krim, Gentian Sharrën, në GJKKO, duke shprehur pakënaqësi për ndryshimet e fjalëve të tij javë pas jave.
“Po në Shijak dhe në Vilbashtovë. Shtëpia ishte e dhëndrit të Agron Dukës sipas Dorian Shkozës dhe kishte mbi 500 mijë euro aty. Grabitja është bërë me makinën time tip ML. I kam heq targat dhe pjesë që të mos dukej se është e imja”, tha ai.
Nga seanca në GJKKO
Nuredin Dumani: Gentian Sharra ka bërë 5 deklarata të ndryshme ta dëgjojnë edhe gazetarët, ka bërë lëmsh deklaratat. Më plasi shpirti o të keqen vëllai, duke dëgjuar fjalët e tij, duke ndryshuar fjalët javë për javë. Avokati i tij, nuk thua shyqyr qe i ndryshon thëniet.
Gentian Sharra: Tek magazina e Ardian Çollakut, i latë lekët dhe u larguat.
Nuredin Dumani: Po
Gentian Sharra: Si more nuk i numërove leket, u largove pa i numëruar, aman moj zonja gjyqtare a nuk i njeh hajdutet, si ikin pa numëruar lekët.
Keni kryer grabitje banesash?
Nuredin Dumani: Po në Shijak dhe në Vilbashtovë. Shtëpia ishte e dhëndrit të Agron Dukës sipas Dorian Shkozës dhe kishte mbi 500 mijë euro aty. Grabitja është bërë me makinën time tip ML. I kam heq targat dhe pjesë që të mos dukej se është e imja.
