Real Madrid ka marrë një lajm të mirë para rikthimit të La Ligës. Shqetësimet për Bernardo Silvan kanë rezultuar jo serioze dhe mesfushori portugez do të jetë në dispozicion të José Mourinhos për sfidën e së shtunës ndaj Celta Vigos.
Bernardo Silva ishte larguar nga grumbullimi i Portugalisë pas shqetësimeve muskulore të ndjera në ndeshjen ndaj Danimarkës, por kontrollet në Valdebebas përjashtuan një dëmtim.
Situata është më delikate për Aurélien Tchouaménin.
Francezi u rikthye në Madrid pa luajtur asnjë minutë me Francën, pasi ndjeu shqetësime në zonën e ijës së djathtë gjatë stërvitjes. Real Madrid po e monitoron nga afër dhe për momentin ai konsiderohet seriozisht në dyshim për ndeshjen ndaj Celta Vigos.
Mourinho shpreson të rikuperojë të dy mesfushorët, pasi partneriteti Bernardo Silva–Tchouaméni ka qenë një nga pikat kyçe të ekipit në javët e fundit.
Bernardo ka qenë titullar në pesë ndeshjet e fundit të Real Madridit, ndërsa vendimi për Tchouaménin pritet të merret në varësi të ecurisë së tij gjatë javës.
Real Madrid rikthehet në fushë të shtunën në “Santiago Bernabéu” ndaj Celta Vigos.











