Shqipëria ka mbyllur në mënyrën më të mirë Grupin C1 të Nations League, duke mposhtur 2-0 Bjellorusinë dhe duke siguruar vendin e parë me 15 pikë, rezultat që i çon kuqezinjtë në Ligën B.
Goli i parë erdhi në minutën e 28-të me Rey Manajn, i cili shfrytëzoi një gabim të mbrojtjes bjelloruse dhe nuk fali përballë portës.
Në pjesën e dytë, Elseid Hysaj dyfishoi rezultatin në minutën e 57-të. Kapiteni provoi nga distanca dhe goditja e tij mori një devijim të lehtë, duke përfunduar në rrjetë.
Kuqezinjtë administruan avantazhin deri në fund dhe morën tre pikët që vulosën objektivin e madh të këtij edicioni.
Ndeshja u zhvillua pa praninë e tifozëve, për shkak të penalizimit të marrë nga Bjellorusia.
Me këtë fitore, Shqipëria e mbyll grupin në krye me 15 pikë dhe feston ngjitjen në Ligën B të Nations League. 🇦🇱🔥
