Gazetari Elton Tozaj ka reaguar për herë të parë pas lajmeve që qarkulluan në rrjetet sociale dhe në media, ku aludohej se ai ishte rrëmbyer apo edhe kishte ndërruar jetë.
Përmes një postimi në rrjetet sociale, Tozaj ka sqaruar se, pas kërcënimeve të shumta që ka marrë, telefonat e tij i janë nënshtruar një kontrolli nga policia. Ai thekson gjithashtu se çdo kërcënim ndaj tij do të jetë nën mbikëqyrjen e autoriteteve.
Kujtojmë se më 11 nëntor, ish-banori i “Big Brother VIP Albania”, Ilir Vrenzoi, ngriti dyshime publike për një rrëmbim të mundshëm të gazetarit. Pas kësaj deklarate, në media dhe rrjetet sociale nisën të qarkullonin lajme të ndryshme, përfshirë edhe pretendime se Tozaj mund të kishte ndërruar jetë.
