Një aksident i rëndë ka ndodhur mbrëmjen e së dielës në Durrës.
Një 26-vjeçare me inicialet K.Gj, ka aksidentuar për vdekje një këmbësor 81-vjeçar.
Ngjarja ka ndodhur në lagjen nr. 14 të qytetit bregdetar.
Njoftimi i policisë:
Rreth orës 19:12, në lagjen nr. 14, Durrës, një automjet me drejtuese shtetasen K. Gj., 26 vjeçe, ka aksidentuar këmbësorin, shtetasin B. Z., 81 vjeç, i cili si pasojë e dëmtimeve të marra ka humbur jetën.
Drejtuesja e automjetit, shtetasja K. Gj., është shoqëruar në ambientet e Policisë për veprime të mëtejshme.
Grupi hetimor, nën drejtimin e Prokurorisë, vijon veprimet për sqarimin dhe dokumentimin e plotë të rrethanave të ngjarjes.
