Identiteti i Jack the Ripper është zbuluar, sipas një historiani që pretendon se ka një mostër që përputhet 100% me ADN-në e vrasësit të famshëm.
Pothuajse 150 vjet më parë, Jack the Ripper po shkaktonte kaos në rrugët e Londrës dhe konfirmohet se kishte vrarë të paktën pesë gra.
Viktimat e tij njihen si “Regular Five” dhe janë identifikuar si Elizabeth Stride, Mary Jane Kelly, Mary Ann Nichols, Annie Chapman dhe Catherine Eddowes.
Por identiteti i vërtetë i Jack ka mbetur prej kohësh mister, pavarësisht faktit se autori i sulmeve ka vdekur prej vitesh.
Deri më sot, 16 burra të ndryshëm janë ekzaminuar si të dyshuar të mundshëm, nga djemtë e zakonshëm deri tek anëtarët e familjes mbretërore.
Janë hedhur shumë teori se pse këta burra mund të jenë vrasësi serial, nga lidhjet personale me viktimat deri te zbulimi i ditarëve dhe sendeve të tjera, shkruan ueb-faqja “The Jack the Ripper Tour”.
Megjithëse provat janë të pakta, ka prej kohësh informacione për Jack the Ripper nga ajo që ai u bëri pesë viktimave të tij.
Historiani Russell Edwards luan një rol kyç në këtë çështje të mistershme, pasi bleu një shall që i përkiste Catherine Eddowes, njëra nga viktimat dhe i bëri një test ADN-je.
Gjaku u identifikua si një nga pasardhësit e Eddowes, dhe testet e mëvonshme zbuluan një të afërm që Edwards pretendonte se ishte i afërm i një prej të dyshuarve, Aaron Kosminski, sipas The Mirror.
“Jack the Ripper: The Definitive Reveal”, vazhdimi i librit të tij origjinal, “Jack the Ripper”, ishte burimi pretendimeve.
“Ai nuk është më vetëm një i dyshuar. Më në fund mund ta cilësojmë atë përgjegjës për veprimet e tij të tmerrshme. Kërkimi im ka përfunduar: Aaron Kosminski është Jack the Ripper”, shkroi Edwards.
Daily Mail raporton se Edwards që atëherë ka punësuar një ekip ligjor me shpresën se do të merret në pyetje pasi mostra e ADN-së së tij përputhet plotësisht me atë të Jack the Ripper.
Të gjithë shpresojnë se Kosminski do lidhet të lidhet ligjërisht me vrasjet, gjë që do të sjellë minimalisht qartësi për familjet e viktimave.
Karen Miller, e cila është familjare e Eddowes, tha për Mail: “Emri Jack the Ripper është sensacion. Ai ka hyrë në histori si personazh i famshëm. Po emri i vërtetë i personit që e bëri këtë? Emërtimi ligjor i personit real në një gjykatë, e cila mund të shqyrtojë të gjitha provat, do të ishte një formë drejtësie për viktimat. Ne i kemi provat. Tani, na duhet një hetim për të emëruar ligjërisht vrasësin.”
