Liverpooli ka lëshuar fitoren nga dora në fund! Derbi ndaj Everton u mbyll barazim 2-2. Pas vetëm 11 minutash lojë, Toffes kaluan në epërsi me golin e Beto. Por, gëzimi i tyre zgjati vetë, pesë minuta, pasi Alexis Mac Allister që u asistua nga Mohamed Salah, shënoi për 1-1.Pjesa e parë nuk solli më gola, por që kishte raste të mira nga të dyja anët.
Liverpooli mendoi se kishte siguruar fitoren kur Salah realizoi në minutën e 73-të nga një gabim i mbrojtjes vendase, por doli të jetë një fund dramatik. James Tarkowski ua rrëmbeu dy pikë The Reds, kur shënoi për 2-2 në minutën e 90+8-të.
Skuadra e Arne Slot vazhdon të jetë lidere me 57 pikë, ndërsa në javën e 25-të takohen me Wolvesin. Derbi i 245-të i Liverpool-it ishte i fundit që do të luhet në Goodison Park, 131 vjet pas të parit. Në fund të sezonit Everton do t’i thotë lamtumirë stadiumit të tyre historik dhe do të zhvendoset në stadiumin e ri në brigjet e Mersey.
