Spektakli me drita dhe dronë i organizuar pas ndeshjes së lamtumirës së Lionel Messit me Argjentinën prodhoi edhe një nga momentet më të sikletshme të mbrëmjes në “Monumental”.
Teksa rreth 85 mijë tifozë dhe vetë Messi shikonin drejt qiellit, imazhi i parë i shfaqur nga dronët nuk ishte ai i yllit argjentinas, por logoja dhe emri i një prej sponsorëve të Federatës Argjentinase të Futbollit.
Vendimi shkaktoi menjëherë reagime të forta në stadium, me tifozët që e pritën reklamën me fishkëllima të shumta. Edhe Messi u duk i habitur nga ajo që po shfaqej në një moment që ishte menduar të ishte tërësisht në nder të tij.
Logoja e kompanisë qëndroi në qiell për rreth 10 sekonda, përpara se spektakli të vazhdonte me pjesën kushtuar kapitenit të Argjentinës.
Reagimet negative vazhduan edhe në rrjetet sociale, ku tifozët kritikuan ashpër AFA-n për përdorimin e një momenti kaq emocional për qëllime komerciale.
Sipas raportimeve, kompania sponsore u detyrua të çaktivizonte komentet në rrjetet sociale pas valës së kritikave dhe mesazheve negative, ndërsa reagime të shumta pati edhe ndaj vetë Federatës Argjentinase.
