Mbrëmjen e kësaj të hëne, një aksident i rëndë ka ndodhur në hyrje të Shëngjinit, ku një automjet tip Ford është përplasur me një makinë të parkuar në anë të rrugës dhe më pas është përmbysur.
Ngjarja ka ndodhur rreth orës 20:30, kur drejtuesi i automjetit, shtetasi J. H., ka humbur kontrollin mbi mjetin e tij. Si pasojë e përplasjes, ai ka pësuar lëndime dhe është dërguar me urgjencë në Spitalin e Lezhës. Sipas informacioneve të fundit, ai ndodhet jashtë rrezikut për jetën.
Grupi hetimor është duke vijuar veprimet në vendngjarje për të zbardhur plotësisht rrethanat e aksidentit.
