Joao Felix u transferua ditën e fundit të afatit kalimtar të merkatos së dimrit nga Chelsea te Milan. Ylli portugez edhe pse u transferua verën e kaluar te “Blutë” për 50 milionë euro, nuk arriti dot të bëhej pjesë e formacionit titullar të Enzo Maresca-s.
Duke qenë jashtë planeve të trajnerit të Chelsea-s, Joao Felix zgjodhi të huazohej në Serie A te Milan, aty ku i kanë mjaftuar pak minuta për të fituar dashurinë e tifozëve dhe besimin e stafit Teknik të kuqezinjve.
Së fundmi, ka qenë Zlatan Ibrahimovic në rolin e këshilltarit të lartë te Milan që ka treguar si u arrit marrëveshja me Chelsea-n për huazimin e sulmuesit portugez.
“Conceicao e donte patjetër Joao Felix, ne folëm dhe vendosëm t’i besojmë atij për projektin tonë. Ka qenë një negocim shumë i shpejt. Mjaftuan vetëm 5 minuta për të arritur marrëveshjen përfundimtare me Chelsea-n”, tha Ibrahimovic.
