Humbja 2-1 ndaj Atlético Madridit ka rikthyer debatet rreth problemeve të Real Madridit, përtej polemikave me arbitrimin. Në emisionin “El Bar de Sique y Flaki”, analiza u përqendrua kryesisht te mesfusha dhe te fakti që skuadra vazhdon të vuajë nga probleme të ngjashme me sezonet e fundit.
Eloy Lecina kritikoi veçanërisht dyshen Tchouaméni–Valverde, duke theksuar se Real Madridi kishte mundësinë gjatë verës të ndryshonte strukturën e mesfushës, por zgjodhi të vazhdonte me të njëjtët lojtarë. Sipas tij, mungesa e organizimit dhe e pasuesve cilësorë po ndikon drejtpërdrejt edhe te loja e sulmuesve.
“Do paguaja një pasuri për të parë Modric dhe Kroos të ulur në një divan duke parë ndeshjet e Real Madridit dhe për të dëgjuar çfarë do të thoshin për mesfushën tonë”, deklaroi Lecina, duke kujtuar ndikimin që dy legjendat kishin në orientimin dhe ritmin e lojës.
Në analizë u përmend edhe Vinicius, i cili sipas Aday Benítez nuk është më ai futbollist i paparashikueshëm që thyente mbrojtjet me lehtësi. Problemi, sipas tij, lidhet edhe me mungesën e lojtarëve në mesfushë që dinë ta vendosin sulmuesin brazilian në pozicionet e duhura.
Kritika pati edhe për përdorimin e lojtarëve të tjerë. Arda Güler nuk po aktivizohet në pozicionin e tij natyral, Bernardo Silva po merr shumë pak minuta, ndërsa Espí pothuajse nuk po merr mundësi. “Nuk dua autokritikë në konferenca, dua ta shoh në vendimet që merren”, ishte një tjetër mesazh i fortë nga paneli.
