Yan Diomande dha një nga paraqitjet e tij më të mira me fanellën e Real Madridit në fitoren ndaj Elches, duke treguar dy versione të ndryshme të lojës së tij: më kombinues në krahun e djathtë dhe shumë më agresiv e depërtues kur kaloi në të majtë.
Sulmuesi kompletoi shtatë driblime, plot 50% të të gjitha driblimeve të Real Madridit në ndeshje. Në La Liga ai regjistron mesatarisht 5.20 driblime të suksesshme për 90 minuta, duke lënë pas edhe Lamine Yamal, i cili është në kuotën 4.30.
Por ndikimi i Diomandes nuk u kufizua vetëm te driblimet. Ai ishte mes lojtarëve që krijuan më shumë raste, renditej lart për pasimet në të tretën e fundit dhe ishte gjithashtu futbollisti i Real Madridit me më shumë ndërhyrje të suksesshme në fazën mbrojtëse.
Diomande ka luajtur vetëm 256 nga 630 minutat e këtij sezoni, por pjesa më e madhe e tyre kanë ardhur në dy ndeshjet e fundit. Paraqitja ndaj Elches ka hapur edhe më shumë debatin për vendin e titullarit, me Arda Güler që për momentin mbetet përpara në hierarki.
Mourinho po vazhdon ta menaxhojë me kujdes, por 19-vjeçari po jep gjithnjë e më shumë sinjale se është gati të kërkojë më shumë minuta. Dy krahë, dy mënyra loje dhe një talent që po nis të shpërthejë.
