Javier Tebas ka lëshuar një deklaratë të fortë për organizimin e finales së Botërorit 2030, duke e lidhur drejtpërdrejt të ardhmen e Gianni Infantinos në krye të FIFA-s me shanset e Spanjës për të pritur ndeshjen vendimtare.
“Finalja duhet të jetë në ‘Bernabéu’. Unë e mbështes këtë. Por që finalja të jetë në Spanjë, Infantino nuk duhet të vazhdojë”, deklaroi presidenti i La Ligës gjatë World Football Summit.
Tebas shkoi edhe më tej, duke pretenduar se nëse Infantino rizgjidhet, mundësitë që Spanja të marrë finalen janë “minimale ose zero”. Sipas tij, mënyra se si FIFA po menaxhon procesin dhe afrimiteti i shfaqur ndaj Marokut ngrenë pikëpyetje për qeverisjen e institucionit.
Presidenti i La Ligës kritikoi gjithashtu zgjerimin e vazhdueshëm të kalendarit ndërkombëtar, duke paralajmëruar se shtimi i ndeshjeve dhe kompeticioneve po dëmton kampionatet kombëtare. “Po e shkatërrojmë ekosistemin pak nga pak. Nëse vazhdojmë kështu, do të vdesim ngadalë”, tha ai.
Tebas foli edhe për Topin e Artë, duke zgjedhur Rodrin si kandidatin e tij për çmimin pas paraqitjeve në Botëror, ndërsa për Lamine Yamal u shpreh se talenti i Barcelonës “ka ende një rrugë të gjatë përpara”.
