Është ndarë nga jeta babai i këngëtares së njohur Genta Ismajli, Mukadem Ismajli.
Lajmin e bëri fillimisht të ditur këngëtari Sunaj Saraçi përmes një postimi në rrjetet sociale, ndërsa pak më vonë humbjen e konfirmoi edhe vetë Genta.
Këngëtarja ka publikuar një fotografi të të atit, shoqëruar me një imazh të saj nga fëmijëria, duke i kushtuar disa fjalë prekëse.
“Babi im, drita e syve të mi, sot bashkë me ty iku edhe një pjesë e shpirtit tim.
Faleminderit për çdo përqafim, çdo këshillë dhe për dashurinë e madhe që vetëm ti dite të më japësh.
Do të të kërkoj në çdo sekondë të jetës sime, në çdo hap e në çdo sukses timin, sepse ti do të jesh përgjithmonë engjëlli im mbrojtës.
Pusho në paqe BAB.
Të dua dhe do të të dua gjithmonë!”
