Pas viteve të “sleepmaxxing”, aplikacioneve që matin gjumin, orëve inteligjente dhe rutinave të komplikuara të wellness-it, po shfaqet një tjetër qasje: të pushosh pa u përpjekur ta optimizosh pushimin.
Trendi, i quajtur “deep rest” ose “anti-optimization”, po fiton vëmendje në industrinë e wellness-it. Ideja është e thjeshtë: në vend që të matësh çdo hap, rrahje zemre apo minutë gjumi, fokusi zhvendoset te qetësia, natyra, gjumi dhe shkëputja nga teknologjia.
Sipas Global Wellness Institute, udhëtarët po kërkojnë gjithnjë e më shumë pushime që i ndihmojnë të rikuperohen nga mbingarkesa dhe stresi. Në vend të itinerareve të mbushura me aktivitete, po bëhen më tërheqëse qëndrimet në vende të qeta, me pak zhurmë, pa Wi-Fi dhe me ritme më të ngadalta.
Edhe “sleep tourism” po zgjerohet: hotelet dhe resortet po krijojnë dhoma dhe programe të dedikuara për gjumin, me ndriçim që përshtatet me ritmin cirkadian, ambiente të errëta e të qeta dhe rituale para gjumit.
Në pak fjalë, luks i ri nuk është të bësh më shumë, por të kesh mundësi të mos bësh asgjë.
