Në lidhje me aksidentin fatal në Tropojë, Prokuroria e Kukësit ka urdhëruar ndalimin e dy zyrtarëve të Bashkisë Tropojë, drejtorit të Shërbimeve Publike, Turizmit dhe Transportit, N.Gj., dhe teknikut të mirëmbajtjes së rrugëve, G.H.
Ata akuzohen për ‘Shpërdorim detyre’ dhe ‘Shkelja e rregullave të mbrojtjes në punë’.
Ngjarja ndodhi më 8 shtator 2026 në fshatin Bujan, ku katër punonjës të bashkisë po montonin një shtyllë ndriçimi. Gjatë ngritjes së saj, punonjësit ranë në kontakt me përcjellësit elektrikë. Si pasojë, M.S. humbi jetën në vendngjarje, ndërsa tre të tjerë u plagosën.
Sipas Prokurorisë, dy zyrtarët nuk kanë garantuar kushtet teknike dhe ligjore të sigurisë në punë, duke sjellë vdekjen e një punonjësi dhe rrezikimin e tre të tjerëve.
