Dy persona, bashkëshortë, janë arrestuar në Kolonjë për kultivim të lëndëve narkotike.
Policia bën me dije se në pranga kanë rënë L. V., 64 vjeç, dhe A. V., 54 vjeçe, banues në fshatin Gjirakare, të cilët kishin kultivuar 270 bimë të dyshuara narkotike në një zonë të pyllëzuar pranë banesës së tyre, në fshatin Gjirakare.
Bimët e dyshuara narkotike u gjetën dhe më pas u asgjësuan me anë të djegies.
Gjatë kontrollit të banesës së çiftit, shërbimet e Policisë gjetën gjithashtu dy thasë me lëndë të dyshuar narkotike Cannabis Sativa, konkretisht bimë të prera dhe në proces tharjeje. Lënda u sekuestrua në cilësinë e provës materiale.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
