Një specie e rrallë, gjarpër deti me gjatësi 2.5 m, është kapur në rrjetat e peshkatarëve të Radhimës.
Lloji i gjarpërit, Ophisurus serpens, është gjetur nga peshkatarët në zonën e Pasha Limanit, në 50 m thellësi, dhe janë specialistët që do të vlerësojnë këtë gjarpër dhe rrezikshmërinë e tij, shkruan euronews.
Sherif Dyrmishi një peshkatar që e njeh zonën e gjirit të Vlorës, shprehet se për të është hera e parë që bie në rrjeta një specie e tillë. Ai shton se do të jenë biologët që do ta vlerësojnë, dhe sipas tyre, ky është një gjarpër deti që nuk mendohet të jetë helmues.
“Ushqehet me mikroorganizma, duke përfshirë parazitët që quhen Anisakis simplex, por nuk është i konsumueshëm nga njeriu”.
Sipas Dyrmishit, ky gjarpër nuk mendohet të jetë i rrezikshëm. Ai jeton në thellësi, në guva nënujore.
