Zbardhen detaje nga plagosja me thikë e një 29-vjeçari ditën e djeshme në Korçe.
Sipas njoftimit të policisë, Kostika Ruko, është vetëplagosur me thikë, pas një sherri me bashkëshorten dhe vjehrrin e tij.
Mësohet se i riu ka qenë në gjendje të dehur kur ka kryer aktin dhe se ndaj tij ka nisur procedimi penal.
I lënduari ndodhet në spital ku po merr trajtim mjekësor, ndërsa theksohet se është jashtë rrezikut për jetën.
“Në vijim të informacionit paraprak të dhënë ditën e djeshme, ku shtetasi R. K., 29 vjeç, shkoi i dëmtuar me mjet prerës thikë, në spital, ju informojmë se: Nga e hetimet e kryera nga Specialistët e Hetimit të Krimeve në Komisariatin e Policisë Korçë, u referuan materialet në Prokurori, ku filloi procedimi penal për shtetasin K. R., 29 vjeç, banues në Korçë, pasi dyshohet se në gjendje të dehur pas një konflikti me bashkëshorten dhe vjehrrin e tij, ky shtetas është vetëdëmtuar me mjet prerës thikë dhe aktualisht po merr ndihmë mjekësore jashtë rrezikut për jetën.”, thuhet në njoftimin e policisë.
