Ka nisur zyrtarisht dita e nominimeve për Topin e Artë 2026. Gjatë ditës do të bëhen publikë 30 finalistët për çmimin e meshkujve dhe 30 për atë të femrave, ndërsa ceremonia finale do të mbahet më 26 tetor në Londër.
Mes kategorive të para të publikuara është ajo për lojtarin më të mirë të ri. Në listën me 10 kandidatë janë Lamine Yamal, Pau Cubarsí, Yan Diomande, Ayyoub Bouaddi, Lennart Karl, Ibrahim Maza, Johan Manzambi, Kroupi, Kerim Alajbegovic dhe Warren Zaïre-Emery.
Janë zbuluar gjithashtu kandidatët për portierin më të mirë, ku përfshihen emra si Courtois, Dibu Martínez, David Raya, Unai Simón, Joan García, Bono, Kobel, Safonov, Edouard Mendy dhe Vozinha.
Për trajnerin më të mirë të vitit janë nominuar Mikel Arteta, Luis de la Fuente, Unai Emery, Vincent Kompany dhe Luis Enrique, ndërsa për klubin më të mirë të meshkujve garojnë Arsenal, Bayern Munich, Bodo/Glimt, Flamengo dhe PSG.
Votimi do të kryhet nga një juri ndërkombëtare gazetarësh, të cilët do të marrin parasysh paraqitjet individuale, trofetë e fituar dhe “fair play”-n brenda dhe jashtë fushës.
