Luka Modric do të vazhdojë të jetë pjesë e kombëtares kroate. Mesfushori veteran është përfshirë në grumbullimin e parë të Slaven Bilić si trajner i Kroacisë dhe do të jetë në dispozicion për ndeshjet e Nations League.
Sipas Federatës Kroate të Futbollit, Modric kishte konfirmuar prej disa javësh te Bilić dhe presidenti Marijan Kustić se ishte i gatshëm të vazhdonte aventurën me kombëtaren. Kapiteni historik numëron tashmë 202 paraqitje me Kroacinë.
Kroacia do ta nisë Nations League më 26 shtator ndaj Republikës Çeke, ndërsa tre ditë më vonë do të përballet me Spanjën. Në tetor, skuadra e Bilić do të luajë ndaj Anglisë më 3 tetor dhe sërish ndaj Spanjës më 6 tetor.
Modric mbush 41 vjeç më 9 shtator, por nuk ka ndërmend të tërhiqet nga kombëtarja vitin e ardhshëm. Madje, nuk përjashtohet mundësia që mesfushori kroat të vazhdojë deri në Euro 2028.
