Një zjarr i përmasave të konsiderueshme ka përfshirë kodrat e Myselimit dhe Bardhajve në zonën e Shkodrës, duke vënë në rrezik edhe banesat pranë vatrës së zjarrit.
Për shkak të erës së fortë dhe terrenit të thyer, flakët janë përhapur me shpejtësi në sipërfaqet me bimësi.
Për izolimin dhe shuarjen e zjarrit është ndërhyrë nga ajri, ndërsa flakët vijojnë të përparojnë me shpejtësi.
Edhe pse vera iku zyrtarisht me gushtin, temperaturat e larta vijojnë të favorizojnë shfaqjen e vatrave të zjarrit në zona të ndryshme të vendit.
Flakët vijojnë të jenë aktive, duke rrezikuar sipërfaqe pyjore dhe banesa në qytete e fshatra të ndryshme të vendit. Më problematike situata paraqitet në Himarë dhe Levan të Fierit.
