Kida ka kurorëzuar dashurinë e saj me partnerin në një ceremoni të organizuar në Romë, por një moment tjetër gjatë mbrëmjes ka tërhequr vëmendjen e rrjeteve sociale. Luana Vjollca, e cila ishte mes të ftuarve në dasmë, është surprizuar nga miqtë e saj me rastin e ditëlindjes. Në një video që po qarkullon në rrjet, dëgjohen personat pranë moderatores duke i kënduar njëzëri “Shumë urime për ty”, ndërsa Luana feston së bashku me ta.
Megjithatë, fakti që urimi për ditëlindjen e saj është bërë gjatë dasmës së Kidës ka sjellë reagime të ndryshme. Disa ndjekës e kanë konsideruar të papërshtatshëm momentin, duke argumentuar se vëmendja gjatë mbrëmjes duhej të mbetej te çifti që po festonte martesën. “Dasma e kujt ishte?”, shkruan një prej komentuesve, ndërsa të tjerë kanë ngritur pikëpyetje nëse një surprizë e tillë duhej të realizohej pikërisht gjatë festës së dikujt tjetër.
Megjithatë, nga pamjet nuk mund të përcaktohet nëse momenti ishte organizuar nga vetë Luana apo ishte thjesht një surprizë spontane nga miqtë e saj. Po ashtu, nuk ka asnjë reagim publik nga Kida apo partneri i saj që të tregojë se momenti është konsideruar i papërshtatshëm. Ndërkohë, një video e shkurtër ka mjaftuar që rrjeti të ndahet në dy pjesë: një surprizë e pafajshme mes miqsh apo një moment që i mori vëmendjen dasmës së Kidës?
