Situata vijon të mbetet e tensionuar te Kryeministria, ku ka pasur edhe përplasje fizike mes palëve.
Policia ka shoqëruar disa prej protestuesve, mes tyre edhe Dritan Goxhaj.
Ndërkohë, te Kryeministria ka mbërritur edhe makina e ujit. Prej më shumë se një ore vijon të ketë tension dhe përplasje mes policisë dhe protestuesve.
Këta të fundit kanë tentuar që të hyjnë brenda godinës së Kryeministrisë.
Protestuesit kanë kundërshtuar ndërhyrjen e policisë, duke vijuar qëndrimin e tyre para Kryeministrisë. Në thirrjet e tyre, ata kanë akuzuar kryeministrin Edi Rama për qeverisje autoritare, ndërsa e kanë cilësuar atë “diktator” dhe “frikacak”.
Ata kanë përsëritur kërkesën për dorëheqjen e kryeministrit dhe largimin e qeverisë, duke e konsideruar bllokimin e hyrjeve si pjesë të aksionit të tyre të mosbindjes civile.
