Mes pagave të ulta dhe çmimeve të larta, shumë qytetarë e kanë të vështirë të përballojnë jetesën e tyre të përditshme.

Kreditë duket se vijojnë të mbeten një zgjidhje e shpejtë për të “të nxjerrë nga halli” në një moment të vështirë, pavarësisht interesave të larta që bankat caktojnë.

Por teksa shumë njerëz marrin kredi për probleme madhore që duan zgjidhje të menjëhershme, në Vlorë po ndodh një fenomen i çuditshëm.

Vlonjatët preferojnë të marrin kredi për të shkuar me pushime! Drejtori i “OTP Bank” në Vlorë, ka dhënë një intervistë ku ka shpjeguar dhe arsyet e këtij fenomeni.

Sipas tij: “Ky vit ka pasur një numër goxha më të lartë kredish në krahasim me vitin e kaluar. Shumica e njerëzve e konsiderojnë kredinë dhe një mënyrë për t’i nxitur për të kursyer. Ata marrin një kredi për pushime, për të bërë një palë pushime më të mira se sa kanë mundësi, dhe vendosin ta shlyejnë gjatë vitit teksa heqin një pjesë të të ardhurave të tyre mujore mënjanë.”