E ardhmja e Enzo Fernandez te Chelsea është bërë gjithnjë e më e pasigurt, pasi mesfushori argjentinas mbeti jashtë skuadrës për ndeshjen e Carabao Cup ndaj Luton Town.
Xabi Alonso konfirmoi se vendimi ishte marrë prej tij dhe klubit. “Ishte vendimi im, i ndarë edhe me klubin. Enzo është një profesionist i vërtetë. Do të shohim çfarë ndodh të dielën”, deklaroi trajneri spanjoll.
Në të njëjtën kohë, gazetari argjentinas Gastón Edul raporton se Enzo Fernandez është shumë pranë transferimit te Manchester City. 25-vjeçari dëshiron të ribashkohet me Enzo Maresca dhe thuhet se ia ka komunikuar Chelsea-s dëshirën për t’u larguar.
Manchester City po punon prej kohësh për transferimin e tij dhe largimi nga skuadra në ndeshjen e fundit shihet si një sinjal i fortë se marrëveshja mund të jetë afër.
Chelsea ndërkohë ka nisur të shohë alternativa për mesfushën, me disa emra që janë lidhur me londinezët në rast të largimit të argjentinasit.
