Policia austriake ka nisur kërkimet për dy persona që vodhën një gjerdan të rrallë me diamant nga Muzeu i Arteve të Aplikuara në Vjenë.
Xhevahiri i përkiste Mbretëreshës Nazli të Egjiptit dhe u krijua në vitin 1939 nga shtëpia prestigjioze pariziene Van Cleef & Arpels, për martesën e vajzës së saj Fawzia me Princin e Kurorës iraniane Mohammad Reza Pahlavi, i cili më vonë u bë Shah i Iranit.
Gjerdani përmban më shumë se 600 diamante të rrumbullakët dhe në formë bagete, të vendosura në një dizajn që imiton rrezet e diellit. Sipas të dhënave të Sotheby’s, ai ishte shitur në Nju Jork dhjetë vite më parë për 4.3 milionë dollarë, rreth 3.7 milionë euro.
Dy autorët hynë në muze si vizitorë të zakonshëm dhe, pak pas orës 14:00, thyen një vitrinë në prani të dëshmitarëve, morën gjerdanin dhe u larguan nga vendngjarja.
Policia e Vjenës ka konfirmuar vjedhjen dhe po zhvillon një operacion për identifikimin dhe kapjen e dy të dyshuarve. Hetimi po drejtohet nga Zyra Rajonale e Hetimeve Penale të Vjenës.
