Gabriel Jesus duket se është pranë fundit të aventurës së tij me Arsenalin, pasi sulmuesi brazilian nuk po stërvitet më me ekipin e parë dhe pritet të largohet përpara mbylljes së merkatos.
Mikel Arteta ka konfirmuar se vendimi lidhet me numrin e madh të lojtarëve në skuadër. “Është diçka që lidhet me numrat që kemi në ekip”, deklaroi trajneri i Arsenalit.
29-vjeçari ka humbur terren në planet e Artetës dhe është në vitin e fundit të kontratës së tij. Një tjetër sinjal i qartë erdhi kur ai mbeti jashtë skuadrës në fitoren e Community Shield ndaj Manchester City.
Sezonin e kaluar, Gabriel Jesus zhvilloi 27 ndeshje në të gjitha kompeticionet, duke shënuar 6 gola dhe dhënë 1 asist.
