Një ngjarje e trishtueshme ka ndodhur mbrëmjen e sotme në Tiranë, ku një djalë 12-vjeçar, banues në Gurrë, Petrelë, ka humbur jetën pasi është paraqitur në spital për ndihmë mjekësore.
Sipas njoftimit të policisë, rreth orës 18:15, i mituri është dërguar në spital i shoqëruar nga familjarët, por pavarësisht përpjekjeve të mjekëve, ai ka ndërruar jetë. Aktualisht, nuk dihen ende rrethanat e ngjarjes dhe shqetësimi që e çoi djaloshin në spital.
Grupi hetimor është vënë në punë për të zbardhur detajet dhe shkaqet e kësaj ngjarjeje tragjike. Autoritetet po mbledhin informacion dhe dëshmi për të kuptuar më mirë situatën e ndodhur.
Njoftimi i policisë:
Më datë 13.10.2024, rreth orës 18:15, është paraqitur në spital për ndihmë mjekësore, i shoqëruar nga familjarët, një i mitur 12 vjeç, banues në Gurrë Petrelë, i cili pavarësisht ndihmës së dhënë nga mjekët ka ndërruar jetë. Grupi hetimor po punon për sqarimin e rrethanave të ngjarjes.
