Vatikani do të ndërtojë një impiant të madh fotovoltaik dhe bujqësor, me një investim prej rreth 100 milionë eurosh, në territorin e tij në Santa Maria di Galeria, pranë Romës.
Impianti do të kombinojë prodhimin e energjisë diellore me aktivitetin bujqësor dhe pritet të ketë një kapacitet prej 80 deri në 90 megavat. Panelet diellore do të mbulojnë rreth 200 hektarë tokë.
Projekti synon të sigurojë të gjithë energjinë elektrike të nevojshme për Shtetin e Vatikanit dhe Radio Vatikanin, duke e bërë Selinë e Shenjtë të pavarur nga energjia. Teprica e energjisë do t’i ofrohet Italisë.
Sipas burimeve të përfshira në projekt, ndërtimi mund të zgjasë 18 deri në 24 muaj, ndërsa kontratat pritet të dalin në tender në javët e ardhshme.
