Real Madridi ka prezantuar zyrtarisht José Mourinhon si trajnerin e ri të skuadrës, në një ceremoni private të zhvilluar në Valdebebas.
Trajneri portugez firmosi kontratë deri në qershor të vitit 2029 dhe nuk i fshehu emocionet për rikthimin në klub.
“Është si të kthehesh në shtëpi. Këtë herë është edhe më emocionuese se herën e parë. Jam njëri prej jush, gjithmonë kam qenë”, deklaroi Mourinho pas firmës.
Ky është rikthimi i dytë i Mourinhos në stolin e Real Madridit, pas aventurës së parë mes viteve 2010 dhe 2013, kur fitoi La Liga-n, Kupën e Mbretit dhe Superkupën e Spanjës.
Mourinho theksoi se synimi i tij është të krijojë një kulturë pune, përgjegjësie dhe ambicie brenda skuadrës, duke nënvizuar edhe një herë rëndësinë e të punuarit për Real Madridin.
