Presidenti amerikan Donald Trump, gjatë takimit të tij me kryeministrin izraelit Benjamin Netanyahu në Shtëpinë e Bardhë, u pyet nga gazetarët nëse ai e meritonte të fitonte Çmimin Nobel për Paqen për përpjekjet e tij për të ndalur konfliktin në Lindjen e Mesme.
“Ata nuk do të më japin kurrë një çmim Nobel për Paqe, Me vjen keq. Unë e meritoj atë, por ata nuk do të ma japin kurrë,” tha Trump.
Presidenti amerikan fillimisht deklaroi se Gaza do të evakuohej përgjithmonë nga palestinezët, ndërsa i pyetur se çfarë do të bënte nëse Egjipti dhe Jordania refuzonin, ai tha se nuk mund të më thonë jo. Donald Trump vuri në dukje se ai dëshiron që të ketë një zonë të bukur ku palestinezët mund të vendosen përgjithmonë. Duke folur përkrah Benjamin Netanyahut në Zyrën Ovale, presidenti amerikan tha se të jesh në Gaza është si të jetosh në ferr.
“Unë mendoj se ata do të vendosen në zona ku mund të bëjnë një jetë të bukur dhe të mos shqetësohen për vdekjen çdo ditë,” tha ai.
Gaza nuk është një vend ku njerëzit të jetojnë dhe e vetmja arsye që ata duan të kthehen, dhe unë e besoj fort këtë, është sepse ata nuk kanë alternativë.
Ai vazhdoi: “Është shumë e rrezikshme për njerëzit. Askush nuk mund të shkojë atje. Ata janë shumë të rrezikshëm. Askush nuk dëshiron të jetë atje.” Luftëtarët nuk duan të jenë atje. Ushtarët nuk duan të jenë atje. Si mund t’i bëni njerëzit të kthehen? A thua se ata duhet të kthehen në Gaza tani? E njëjta gjë do të ndodhë. Do të jetë vetëm vdekje”.
Nga ana e tij, presidenti izraelit Benjamin Netanyahu tha se është i lumtur që Trump është tani në Shtëpinë e Bardhë. Izraeli po bëhet një perandori në Lindjen e Mesme.
