Një autobus ka marrë sot flakë në Qafën e Kalasë së Beratit.
Autobusi i mbushur me turistë të huaj, nisi të marrë flakë në ecje drejt Kalasë së Beratit.
Pasi janë vërejtur shkëndijat e para në pjesën e përparme të autobusit, shoferi ka ndaluar dhe 52 pasagjerët që ndodheshin brenda, mes tyre edhe fëmijë, kanë zbritur nga autobusi. Asnjë nga pasagjerët nuk ka pësuar asnjë lëndim, pasi ata kanë zbritur pa u përfshirë ende autobusi nga flakët.
