Telenovela e gjatë e transferimit të mesfushorit spanjoll Rodri përfundon, pasi ai do të bashkohet me Barcelonën nga sezoni 2026/27. Sipas mediave spanjolle dhe gazetarit të njohur Fabrizio Romano, Barcelona dhe Manchester City kanë arritur një marrëveshje për transferimin e 30-vjeçarit në Katalonjë. Klubi anglez pranoi ofertën përfundimtare të Barcelonës prej 75 milionë eurosh, duke përfshirë bonuset, dhe tani mbetet vetëm që të finalizohet dokumentacioni, pas së cilës Rodri do të kryejë vizitat mjekësore dhe do të nënshkruajë kontratën, duke e bërë transferimin zyrtar.
Marrëveshja u arrit nga drejtorët sportivë të të dy klubeve, Deco dhe Hugo Viana, pas shumë negociatash, që nuk ishin të lehta. Diferenca mes ofertës dhe kërkesës iniciale ishte e madhe. Fillimisht, Rodri kishte refuzuar një propozim nga Realin e Madridit, duke pranuar ofertën e Barcelonës, duke shtuar kështu presionin mbi City që të fillonte bisedimet me klubin katalanas, pavarësisht se anglezët dëshironin ta mbajtën atë në ekip.
Barcelona ka bërë disa oferta për Rodrin, duke nisur nga 45 milionë euro plus bonuse, por kjo u refuzua nga City, i cili kërkonte 90 milionë euro. Negocimi ka pasur sfida, me Barcelonën që rriti ofertën me 5 milionë dhe City që e uli kërkesën me 10 milionë, duke e çuar situatën në një pikë ku të dy palët ishin të kënaqura. Më në fund, Barcelona bëri një ofertë finale prej 70 milionë eurosh, dhe me pak negociata të tjera, arritën në çmimin përfundimtar prej 75 milionësh.
Megjithëse Rodri është në vitin e tij të fundit të kontratës me Manchester City, klubi anglez nuk kishte ndërmend ta jepte futbollistin, duke kërkuar çmimin e duhur për një kampion bote dhe fitues të Topit të Artë. Tani, me marrëveshjen të finalizuar, Barcelona do të përfitojë një lojtar të talentuar që pritet të sjellë një ndikim të madh në skuadër.
