Barcelona ka bërë ofertën e tretë për Rodrin, duke e çuar propozimin në 70 milionë euro për mesfushorin e Manchester Cityt.
Klubi katalanas kishte nisur me një ofertë prej 45 milionë eurosh, më pas e rriti në 60 milionë dhe tashmë ka shkuar në 70 milionë euro. Te Barcelona ka optimizëm se kjo shumë mund të jetë e mjaftueshme për të bindur drejtuesit e Cityt, të cilët fillimisht kërkonin rreth 80 milionë euro.
Barcelona po përgatit një kontratë katërvjeçare për spanjollin, ndërsa vetë lojtari kishte shprehur prej muajsh dëshirën për t’u larguar nga Manchester City.
Në klub kërkohet durim, por ka besim se marrëveshja mund të mbyllet me sukses pas ofertës së fundit.
