Lazio është shumë pranë transferimit të Davide Frattesit nga Interi.
Sipas Fabrizio Romanos, dy klubet kanë arritur një marrëveshje verbale për huazimin e mesfushorit italian. Lazio do të paguajë 1 milion euro për huazimin, ndërsa në marrëveshje do të përfshihet edhe një opsion blerjeje prej 14 milionë eurosh, i cili mund të bëhet i detyrueshëm nëse plotësohen disa kushte.
Interi do të ruajë gjithashtu një përqindje nga një shitje e ardhshme e lojtarit.
Frattesi ka arritur tashmë marrëveshjen personale me Lazion, ndaj për mbylljen e transferimit kanë mbetur vetëm formalitetet.
Sezonin e kaluar, 26-vjeçari zhvilloi 33 ndeshje me Interin në të gjitha kompeticionet dhe dha 3 asistime.
