José Mourinho ka nisur të vendosë rregullat e tij te Real Madridi, duke kërkuar më shumë disiplinë dhe kontroll në përditshmërinë e lojtarëve.
Trajneri portugez ka ndryshuar disa zakone në Valdebebas, duke nisur nga ushqimi. Menutë tashmë përcaktohen në mënyrë strikte nga nutricionistët e klubit, me synimin që çdo detaj të jetë në funksion të performancës.
Një tjetër rregull lidhet me përpikmërinë. Lojtarët duhet të paraqiten në qendrën stërvitore një orë përpara nisjes së seancës. Kush vonohet nuk gjobitet financiarisht, por detyrohet të zhvillojë stërvitje individuale në palestër, larg grupit.
Mourinho ka vendosur gjithashtu që rikuperimi nga dëmtimet të kryhet në Valdebebas, nën mbikëqyrjen e stafit të klubit, duke kufizuar trajtimet e jashtme.
Portugezi po punon edhe për forcimin e grupit. Një nga risitë është që skuadra dhe stafi teknik të hanë së bashku, me qëllimin për të krijuar më shumë unitet brenda ekipit.
