Gjumi i mirë mund të jetë më i rëndësishëm për adoleshentët sesa dieta apo aktiviteti fizik. Një studim i ri tregon se cilësia e gjumit lidhet ngushtë me rezultatet në shkollë dhe me marrëdhëniet sociale të të rinjve.
Studiuesit analizuan të dhënat e më shumë se 6 mijë fëmijëve për performancën akademike dhe mbi 7 mijë të tjerë për problemet sociale, duke krahasuar katër faktorë: gjumin, kohën para ekranit, aktivitetin fizik dhe dietën.
Rezultatet treguan se fëmijët dhe adoleshentët me simptoma ankthi, depresioni apo probleme të tjera të shëndetit mendor kishin më shumë vështirësi në shkollë dhe në jetën sociale. Por një pjesë e rëndësishme e kësaj lidhjeje lidhej veçanërisht me cilësinë e gjumit.
Sipas studiuesve, gjumi i pamjaftueshëm shkakton lodhje gjatë ditës, probleme me përqendrimin dhe vështirësi në funksionimin e trurit, duke ndikuar drejtpërdrejt në mësime.
Edhe marrëdhëniet me të tjerët mund të preken, pasi mungesa e gjumit mund të shtojë irritimin dhe izolimin social.
Ekspertët theksojnë se një rutinë e shëndetshme gjumi nuk zgjidh të gjitha problemet e shëndetit mendor, por është një mënyrë e thjeshtë dhe praktike për të mbështetur mirëqenien emocionale dhe performancën e fëmijëve.
