Paris Saint-Germain ka arritur marrëveshjen për transferimin e Maghnes Akliouche nga Monaco.
Sipas Fabrizio Romanos, klubi parizien do të paguajë 50 milionë euro për mesfushorin 24-vjeçar, i cili ka dhënë miratimin për kalimin në kryeqytetin francez.
Akliouche do t’u nënshtrohet vizitave mjekësore javën e ardhshme dhe më pas pritet të firmosë një kontratë afatgjatë me PSG-në, të vlefshme deri në qershor të vitit 2031.
Francezi konsiderohet një nga talentet më të spikatura të Ligue 1 dhe pritet të shtojë ndjeshëm alternativat e Luis Enriques në fazën sulmuese.
