Një zjarr ka rënë pasditen e kësaj të premteje në një nga zonat qendrore të Tiranës, pranë Xhamisë së Namazgjasë, duke shkaktuar alarm te banorët dhe kalimtarët.
Sipas informacioneve paraprake, flakët kanë përfshirë një pjesë të një parkimi nëntokësor të xhamisë. Deri më tani nuk raportohet për persona të lënduar, ndërsa ende nuk ka një bilanc për dëmet materiale.
Në vendngjarje kanë mbërritur menjëherë forcat e shërbimit zjarrfikës, të cilat po punojnë për izolimin dhe shuarjen e flakëve, si dhe për të parandaluar përhapjen e zjarrit në zonat përreth.
