Euro ka zbritur sot në një nga nivelet më të ulëta historike në tregun valutor shqiptar, duke u këmbyerme rreth 93.2 lekë, çka konfirmon vijimin e forcimit të lekut dhe presionin e vazhdueshëm mbi monedhën europiane.
Sipas kursit të publikuar nga Banka e Shqipërisë dhe tregut të këmbimit valutor, rënia eeuros ka qenë graduale gjatë viteve të fundit, ndërsanë muajt e fundit ka arritur nivele rekord.
Ekspertët e ekonomisë e lidhin këtë zhvillim me disa faktorë kryesorë. Së pari, flukset e larta valutore nga sezoni turistik kanë rritur ndjeshëm ofertën e euros në treg. Po ashtu, remitancat e emigrantëve, investimet e huaja direkte dhe hyrjet e kapitalit kanë shtuar sasinë e valutës, duke ushtruar presion për zhvlerësimin e saj. Në të njëjtën kohë, një pjesë e bizneseve kanë konvertuar euro në lekë për të përmbushur detyrimet e tyre financiare në monedhën vendase, duke rritur më tej ofertën e euros.
Banka e Shqipërisë ka ndërhyrë periodikisht në treg përmes blerjeve të valutës, me synimin për të zbutur luhatjet e forta të kursit të këmbimit, pavarësisht se kjo ka qenë thuajse e pamundur për t’u mbajtur në kontroll.
Forcimi i lekut sjell efekte të ndryshme në ekonomi. Nga njëra anë, importuesit dhe konsumatorët përfitojnë pasi produktet dhe shërbimet që paguhen në euro bëhen më të lira. Gjithashtu, ulet kostoja e shlyerjes së kredive në euro për individët dhe bizneset.
Nga ana tjetër, eksportuesit shqiptarë, sektori fason dhe bizneset që realizojnë të ardhurat në euro përballen me fitime më të ulëta kur i konvertojnë në lekë. Edhe familjet që marrin remitanca në euro ose individët që paguhen në këtë monedhë shohin një rënie të vlerës reale të të ardhurave të tyre në lekë.
Ekonomistët vlerësojnë se ecuria e kursit të këmbimitdo të vijojë të ndikohet nga hyrjet sezonale të valutës, niveli i investimeve të huaja dhe politikat e Bankës sëShqipërisë. Nëse ofertat e euros mbeten të larta edhegjatë muajve në vijim, monedha europiane mund të vazhdojë të qëndrojë pranë niveleve minimale historike./Ilirianews.al
