Një konflikt i dhunshëm mes dy drejtuesve të mjeteve është regjistruar pranë kryqëzimit te Ministria e Brendshme në Tiranë, ku debati mes tyre ka përfunduar në përleshje fizike me leva.
Sipas të dhënave paraprake, sherri ka nisur pas një debati në rrugë mes shoferit të një autobusi dhe drejtuesit të një automjeti tjetër, ndërsa situata është përshkallëzuar deri në përdorimin e sendeve të forta.
Të dy personat kanë pësuar dëmtime dhe kanë marrë ndihmë mjekësore.
Policia ka ndërhyrë në vendngjarje, ka neutralizuar konfliktin dhe ka arrestuar dy drejtuesit e mjeteve. Hetimet vijojnë për të zbardhur të plotë rrethanat e përplasjes dhe përgjegjësitë e personave të përfshirë.
